बिगत लामो समय देखी राजाहरुले प्रयोग गर्दै आएको नारायणहिटी दरबार आज राष्ट्रिय सङ्ग्राहलयमा बिधीबत रुपमा परिणत भएको छ । प्रधान मन्त्री गिरिजा प्रसाद कोइरालाले दरबार मा अधिकारिक रुपमा झण्डोत्तोलन गरेपछी यसलाई सङग्राहलय को रुप दिएको छ । अब नेपाली जनता ले बिगत मा आफ्नो पहुच भन्दा बाहिर रहेको खाली राजा महाराजाहरुले मात्र रजाइं गर्ने थालो बनेको राज दरबार लाई सङग्राहलय का रुपमा अबलोकन गर्न पाउने छन जुन हामी सबैका लागि खुशी को खबर हो ।
नेपाल मिरर डट कम / रमा लामिछाने
नेपाली कांग्रेसका युवा नेता तथा सभासद गगन थापाले विविधताको मुलुक नेपाललाई एकताको शुत्रमा बाँध्न नसकिए स्थिती सन्तुलन भन्दा बाहिर जान सक्नेतर्फ सबैलाई सतर्क रहन आग्रह गर्नुभएको छ ।
आज राजधानीमा आयोजित पहिलो रोट्रयाक्ट डिस्ट्रिक्ट एसेम्बली को उद्घाटन गर्दै युवा नेता थापाले विभिन्न भाषा, जात, जाती, क्षेत्र समुह लगाएतको अधिकार स्थापीत गर्नु अबको संविधान सभाको चुनौती भएको औल्याउनुभयो ।
नयाँ नेपाल नामबाट मात्र नभई काम बाट गरेर देखाउनु पर्नै बताउदै थापाले उपलब्ध सबै स्रोतहरुको समान वितरण बाट नयाँ नेपाल बन्ने दावि गर्नुभयो । हिजो भन्दा भिन्न परिस्थिती को निर्माण बाट मात्रै सवल र नयाँ नेपाल निर्माण बन्ने भएकाले सोंच, मुल्य र पद्धती परिवर्तन गर्नु अत्यन्त आवश्यक भएको बताउनु भयो । साथै थापाले नयाँ नेपाल निर्माणको लागी जागरुक भएर लाग्न युवा पुस्तालाई आग्रह गर्नुभयो ।
कार्यक्रममा रोट्रयाक्टहरु रमेश दहाल, अनिल श्रेष्ठ, राजन पिया लगायतले स्वार्थ भन्दा माथि उठेर सेवालाई आत्मसात गर्नुपर्नेमा जोड दिनुभयो । (from:nepalmirror.com)