हाम्रो आवाज

लन्डन, कम्प्युटर सीपले वृद्धवृद्धालाई सघाउनमा उनको योगदान कम छैन । न त योगदानको प्रशंसा नै कम छ । १८ वर्षो नेपाली युवक आशिष अर्यालको सराहना गर्नेमा उनका अभिभावक, स्कुल र साथीसंगीमात्र छैनन् । बेलायती प्रधानमन्त्री गोर्डन ब्राउनले समेत उनलाई ‘लोकल हिरो’ को उपाधि दिएका छन् ।

 प्रधानमन्त्री ब्राउनले आशिषलाई विशेष निम्तो पठाएर टेन डाउनिङ स्टि्रटमा समेत

बोलाए । ‘वास्तवमै कार्यक्रम औधि रोचक थियो । मैले बेलायती प्रधानमन्त्रीजस्तो व्यक्तित्वदेखि अन्य धेरै स्वयंसेवीस“ग भेट्ने अवसर पाए“,’ अर्यालले खुसी बा“डे, ‘स्वयंसेवाले कसरी समाजलाई परिवर्तन गरेको छ बुझ्ने अवसर पाए“ ।’ सेन्ट्रल लन्डनस्थित हल्यान्ड पार्क स्कुलमा ‘ए लेभल’ गरिरहेका आशिषले ‘सिक्स्टी प्लस इन्टरजेनेरेसनल भोलेन्टियर्स’ अर्न्तर्गत वृद्धवृद्धाको सेवा गरेका हुन् । ‘मानव सेवाजस्तो धर्म अरू हुन्न भन्ने मलाई लाग्छ,’ उनले भने । लन्डनस्थित नेपाली दूतावासका मिनिस्टर काउन्सिलर झवीन्द्र अर्यालका छोरा आशिष पढाइमा पनि निकै तेज रहेको परिवारजनले बताए ।<from:kantipur>