दुई मुलुकका लागि राजदूत नियुक्त

March 18, 2009


 

 

 

दिपेन्द्र विष्ट

 


काठमाडौं, चैत ५ - सरकारले दुई देशका लागि राजदूत नियुक्त गरेको छ । मन्त्रिपरिषद्को बुधबार बसेको बैठकले फ्रान्सका लागि राम कार्की तथा भारतका लागि चन्द्रकान्त पौडेललाई राजदूतमा नियुक्त गरेको छ । कार्की माओवादीका केन्द्रीय सदस्य हुन् ।

बैठक सकिएपछि कानुन मन्त्री देव गुरुङले उक्त जानकारी दिएका हुन् ।

उर्जा संकट कम गर्नपनि सरकारले विभिन्न कार्यक्रम ल्याउने तयारी गरेको उनले बताए । उनकाअनुसार सौर्य उर्जामा सहुलियत तथा साना/ मझौला जलविद्युत आयोजनालाई राष्ट्रिय प्रसारणलाईनमा जोड्ने लगायतका निर्णय मन्त्रिपरिषद्ले गरेको छ । सैनिक अधिकारीको पदावधि विषयमा बैठकमा कुनै कुरा नउठेको उनले बताए । नियमित प्रक्रिया अन्तर्गत अधिकारीहरुले अवकाश पाएकाले सरकारको निर्णयमा पुनर्विचार हुन नसक्ने उनले भने ।

त्यसअघि, बैठकमा त्यस विषयमा कुरा उठेको बताउँदै भौतिक योजना तथा निर्माण मन्त्री विजय गच्छदारले रक्षामन्त्रीको निर्णय उपर पुर्नविचार हुन सक्ने सम्भावना रहेको बताएका थिए ।

 

बैठकले थारु तथा मुस्लिम समूदायसंग सरकारले गरेको सम्झौतालाई पारित गरेको छ । त्यस्तै मोटरसाईकल दुर्घटनामा मृत्यु भएका सभासद बोधनारायण सरदारको दुर्घटना र कोसी पीडितको समस्या सामाधानका लागि अध्ययन गर्न उच्च स्तरीय छानवीन समिति बनाउने सरकारले निर्णय गरेको छ ।

 

अद्यौगिक क्षेत्र, शैक्षिक र राजमार्गमा बन्द हड्ताल नगर्न पनि सरकारले सरोकारवालाहरुलाई आग्रह गर्ने निर्णय गरेको मन्त्री गुरुङले बताए ।from:ekantipur.com/nepali

Posted in समाचार | No Comments »

छोरा भेट्न नपाएपछि रोए प्रधानमन्त्रीका पिता

March 17, 2009

डेढ वर्षअघि राजधानी आएका मुक्तिरामले सुरुका केही महिना नयाँबजारस्थित डेरामा सँगै बस्न पाएको र त्यसयता छोरा भेट्नै नपाएको गुनासो गर्दै आँशु बगाए 

  

रुबी रौनियार, काठमाडौं, चैत ४

भींडको माझमा वृद्ध आँखाले चारैतिर छोरालाई खोजिरहेको थियो। त्यतिकैमा उदघोषक प्रकाश न्यौपानेले ती वृद्धलाई देख्छन् र निम्त्याउँछन् मञ्चमा। यी वृद्ध अरु कोही नभई, एकीकृत माओवादी अध्यक्ष तथा प्रधानमन्त्री पुष्पकमल दाहालका पिता मुक्तिराम हुन्।
´ज्वाईंले आज छोरो कीर्तिपुर आउँछ भनेर सुनाएपछि भेट्न आएको हूँ´– उनले दैनिकीसँग कुरा गर्दै भने।  
त्रिविवि परिसरमा निकै बेर कुर्दा पनि छोरा नआएपछि उनी आँत्तिन थाले। कुर्दाकुर्दै खबर आइपुग्यो– ´प्रधानमन्त्री नआउने भए।´
वृद्धको दुबै आखा आँशुले भरियो। एउटा हातले आँशु पुछ्दै पिता मुक्तिराम दहाल भन्दै थिए– ´हतार हतार खाना खाएर बाबु यहाँ आउछ भनी भेट्न आएको थिएँ।´  
कुराकानीका क्रममा उनले आफूलाई चुनाव र प्रचार प्रसारका बारेमा केही कुरा थाहै नभएको बताए। ´कसैले निम्तो पनि दिएको थिएन, छोरा यता आउँछ भनेपछि सरासर आएको हूँ´– उनले भने।
कुराकानीका क्रममा उनी थुप्रै पटक आँशु झार्दै रोएका थिए।      
´डेढ वर्ष अघि काठमाडौं आएपछि सुरुका केही महिना नयाँबजारको घरमा सँगै थियौं´, उनले भने, ´त्यसयता भेट्नै पाएको छैन।´
छोरा ´मन्त्री´ भएपछि नयाँ घरमा सरेको र आफूलाई त्यहा जान मन नलागेको बताउँदा उनको अनुहार दु:खी देखिन्थ्यो। केवल दुई छोरा मध्ये कान्छा छोरा पनि विदेश गएकाले सन्तानको मुख हेर्न पनि रहर लाग्न थालेको उनी बताइरहेका थिए।  ´बुढो भएँ, कहिले संसार छोडिन्छ थाह छैन´ उनले हृदयविदारक स्वरमा भने, ´एक पटक छोरोलाई भेट्ने ईच्छा छ नानी।´  
प्रधानमन्त्री भएपछि एक दुई पटक फोनमा चाही कुरा गरेको उनले खुसी हुँदै सुनाए।   
हाल उनी छोरी, ज्वाईं तथा नातिनीसँगै किर्तिपुरमै बस्दै आएका छन्।  from:dainikee
   
 

Posted in समाचार | No Comments »

सभासद्को शव तीन दिन बेवारिसे

March 16, 2009

प्रेम बास्तोला/नयाँ पत्रिका
सुनसरी, २ चैत


मोटरसाइकल दुर्घटनामा शुक्रबार मृत्यु भएका व्यक्ति कांग्रेस सभासद् हुन् भन्ने आइतबार मात्र थाहा भयो
धरानस्थित बिपी कोइराला स्वास्थ्य विज्ञान प्रतिष्ठानको शवगृहमा तीन दिनदेखि बेवारिसे अवस्थामा रहेको शव सभासद्को भएको पत्ता लागेको छ । नयाँ संविधानका निर्माणका लागि धनकुटा र सुनसरीमा सुझाव संकलन टोलीमा खटिएका कांग्रेस सभासद् बोधनारायण सरदारको शुक्रबार मोटरसाइकल दुर्घटनामा मृत्यु भएको थियो ।

सुनसरीमा भएको सुझाव संकलनमा सहभागी भई विराटनगर जाँदै गर्दा उनी चढेको मोटरसाइकल मोरङको बाँसबारी राजमार्गमा दुर्घटनामा परेको थियो । गम्भीर अवस्थामा उपचारका लागि धरानस्थित बिपी कोइराला स्वास्थ्य विज्ञान प्रतिष्ठान पुर्‍याइएका सभासद् सरदारको शुक्रबार राति ११ बजे मृत्यु भएको प्रतिष्ठान प्रहरीले जनाएको छ । मोटरसाइकलचालक सुनसरीको दुहवी-९ घर भएका लोकेश पोखरेलको पनि घटनामा मृत्यु भएको थियो ।

पोखरेलको शुक्रबार नै सनाखत भए पनि सरदारको शव सनाखत नभएपछि शवगृहमा राखिएको थियो । कांगे्रसका सुनसरी सभापति रामबहादुर बस्नेतले आइतबार सभासद् सरदारको सनाखत गरेका हुन् ।

स्थानीय कांग्रेस नेताहरूले प्रहरी प्रशासनको लापरबाहीका कारण तीन दिनसम्म शवको सनाखत हुन नसकेको आरोप लगाएका छन् । प्रहरीले लापरबाही गरेको बताउँदै सुनसरीको दुहबीदेखि मोरङको बाँसबारी सडकखण्डमा नेपाली कांग्रेस निकट मजदुरहरूले आइतबार राति साढे ७ बजेदेखि यातायात बन्द गराए ।

सभासद् सरदार आइतबार सुनसरी कांग्रेस जिल्ला कार्यसमितिको बैठकमा सहभागी हुने कार्यक्रम थियो । तर, तोकिएको समयभन्दा ढिलोसम्म पनि उनी नआएपछि स्थानीय कांग्रेस नेताहरूले खोजी सुरु गरेका थिए । सुनसरी कांग्रेसका सभापति बस्नेतका अनुसार सभासद् सरदार संलग्न टोलीका संयोजक भीम आचार्यलाई टेलिफोन सम्पर्क गर्दा ‘टोली धनकुटा पुगेको तर सभासद् सरदार सुनसरीसम्म मात्रै टोलीमा रहेको’ जानकारी पाइएको थियो ।

खोजी गर्ने क्रममा सभासद् सरदार पोखरेलसित विराटनगरतर्फ गएको तर दुवैजना नर्फकेको जानकारी पाएपछि स्थानीय कांग्रेस नेताहरूले खोजी तीव्र पारेका थिए । ‘बिपीमा एकजनाको बेवारिसे शव रहेको जानकारी आएपछि हेर्न जाँदा उहाँ (सरदार) को रहेको थाहा
भयो,’ कांगे्रसका सुनसरी सभापति बस्नेतले भने ।

दुर्घटनास्थलमा सभासद् सरदारको परिचयपत्र र संविधानसभा सुझाव संकलनका लागि दिइएको झोलासमेत फेला परेको सभापति बस्नेतले बताए । उनले यस सम्बन्धमा छानबिन गरिनुपर्ने बताए ।

‘परिचयपत्र हुँदाहुँदै सभासद् सरदारको शव पशु र सडकको भुस्याहा कुकुरसरह अलपत्र पारिनु आपत्तिजनक कुरा हो । यसको छानबिन हुनुपर्छ,’ उनले भने । प्रतिष्ठान र स्थानीय प्रहरीले भने परिचय खुल्ने केही नभएकाले उनको शव शवगृहमा राखिएको दाबी गरेका छन् ।

५५ वर्षीय सरदार कांग्रेसबाट समानुपातिकमा निर्वाचित भएका थिए । सभासद् हुनुअघि उनी नेपाली कांग्रेस महासमिति सदस्य थिए ।
सभासद् सरदारका दुई छोरा अध्ययनका लागि अस्ट्रेलियामा छन् । उनीहरू सोमबार काठमाडौं आइपुग्ने जानकारी आएको सभापति बस्नेतले बताए । छोराहरू आएपछि उनको अन्तिम दाहसंस्कार हुनेछ । <from:nayapatrika>

Posted in समाचार | No Comments »

आफ्नै मृत्युको रिहर्सल

October 23, 2008

भियना/ के तपाईं आफ्नो जिन्दगीको अन्तिम दिन पूर्ण योजनाबद्ध ढंगले बितोस् भन्ने चाहनुहुन्छ ? त्यसो भए अस्टि्रयाको भियनामा आफ्नै मृत्युको रिहर्सल गर्नुस् । तपाईंलाई साथ दिनेछन् संगीत, फूल र दर्शकले । कलाकार गेरी ओ डायर र पियर कोइनडीले आफ्नो मृत्युको रिहर्सल गर्न प्रोत्साहित गरिरहेका छन् । भुँइभन्दा केही माथि उचालिएको कफिनमा मनपरेको अन्त्येष्टि संगीतमा मृत्युको रिहर्सल गर्न जोकोहीलाई छुट छ । यो प्रतिस्थापना कला जर्मनको प|m्यांकर्फट, ट्रकीको स्तानबुल, क्यानाडाको टोरन्टो , रोमको भेनिसमा सञ्चालन गरिसकिएको छ । भियनामा पनि मृत्युको रिहर्सलसम्बन्धी कला प्रचलन बढ्दो छ । विश्वमा भएका थोरै मृत्युमा समर्पित म्युजियम भियनामा छ । ‘डरलाग्दो काम गर्न लगाएजस्तो गरेर केही मानिसहरू जिज्ञासु छन्, कोही आतंकित छन्,’ ओडायरले भने, ‘तर, हाम्रा लागि यो जीवन बाँच्न सम्झनु हो । यसलेे मानिसलाई आफ्नो अनुभव गीतमार्फत प्रस्तुत गर्न सहयोग गर्छ, मृत्युको रिहर्सलमा क्लासिकल संगीत पपुलर छ भने केही व्यक्तिले फास्ट ट्रयाक भएका गीत रुचाएका थिए ।’

२४ वषीय फ्लोरियन वागनर मृत्युको रिहर्सल गर्दै फूलहरूले सजाइएको कफिनमा रातो सिराने राखेर सुते । मरेको अभियन गर्दै ‘रिल्याक्स इट्स वन्ली ए गोस्ट’ गीत सुने । बाटोमा हिँडिरहेकाले वागनरको मृत शरीरलाई टुलुटुलु हेरे । ‘यो रिल्याक्स गर्ने तरिका हो । यो त्यस्तो डरलाग्दो पनि छैन । मृत्युसम्बन्धी विचारलाई चुनौती दिन यसले अवसर प्रदान गर्छ । यो आफैंमा राम्रो हो,’ कालो पहिरनमा हाँस्दै कफिनबाट उठ्दै वागनरले भने ।

मृत्युको रिहर्सलका बारेमा विभिन्न राष्ट्रका नागरिकले फरक-फरक ढंगले अनुभूति व्यक्त गर्ने गरेको कलाकारले बताएका छन् । इटालियन वृद्धवृद्धा मृत्युको रिहर्सल देखी अचम्मित भएको पनि कलाकार कोइनडीले बताए । ‘यसलाई कोही भगवानलाई फकाएको ठान्छन्,’ कोइनडीले बताए । from:nayapatrika

Posted in समाचार | No Comments »

‘छाति नापेर सेना समायोजन हुन्न’

October 17, 2008

प्रधानमन्त्री तथा माओवादी अध्यक्ष पुष्पकमल दाहाल प्रचण्डभन्दा कडा सोच राख्ने वरिष्ठ माओवादी नेता मोहन बैद्य किरणले सेना समायोजन ब्यक्तिगत नभई समूहगतरुपमै हुनुपर्ने बताएका छन् ।

माओवादीका वरिष्ठ नेता मोहन बैद्य किरणले सेना समायोजन ब्यक्तिगतरुपमा हुनुनहुने बताएका छन् । राजधानीमा रिपोर्टस क्लबले कार्तिक १ गते आयोजना गरेको साक्षात्कार कार्यक्रममा बोल्दै किरणले जनमुक्ति सेनालाई छाति नापेर ब्यक्तिगतरुपमा राष्ट्रिय सेनामा लिने हो भने नेपाली सेनालाई पनि त्यसै गर्नुपर्ने धारणा राखे । ‘लडाईमा जितेको जनमुक्ति सेनालाई हारेको सेना जस्तो ब्यवहार गर्नु हुदैन’ किरणले भने । प्रधानमन्त्री तथा माओवादी अध्यक्ष पुष्पकमल दाहाल प्रचण्डभन्दा कडा सोच राख्ने वरिष्ठ माओवादी नेताले आफ्नो पार्टीको जनमुक्ति सेनाको मुख्य शक्ति सेनामै जाने दावी गर्दै औद्योगिक वा कुनै बलमा लाने कुरामा असहमति रहने स्पष्ट पारे ।लोकतान्त्रिक गणतन्त्र नेपाली कांग्रेसलाई बढी भएको तथा एमालेलाई ठिक्क भएको धारणा राख्दै कार्यक्रममा किरणले आफ्नो पार्टीलाई त्यो कम भएको उल्लेख गरे । ‘हामीलाई यो गणतन्त्र कम भएकैले हामीले यसलाई बिकशित गर्न खोजेका हौं’ किरणले भने । अर्थमन्त्री तथा माओवादीका अर्का वरिष्ठ नेता डा. बाबुराम भट्टराईले अमेरिकामा पार्टीको नाम फेर्न एक वर्षदेखि छलफल भइरहेको भनेको प्रसङ्गमा किरणले त्यसरी पार्टीको आन्तरिक कुरा सार्वजनिक गर्नु पार्टी नीति बिपरित रहेको दृष्टिकोण राखे । जनगणतन्त्रबारे पार्टीको स्पष्ट दृष्टिकोण कार्तिक अन्तिममा हुने राष्ट्रिय कार्यकर्ता भेलाले तय गर्ने पनि उनको भनाई थियो । from:हिमालखबर डट कम

Posted in समाचार | No Comments »